Try out your Plautdietsch skills. Can you read this story?
Von hia bat doa foaren Part 1
Enne dartich un vieetich Joaren fua wie entwäda met Pieed ooda metem Model T. De Pieed worden toom korte Enja foaren un toom Akren jebrukt. Wan wie metem Model T fuaren, must wie de Gessolien met boa Jelt betolen. Aulsoo brukt wie däm blooss toom lange Enja foaren. Ekj kunn mie jeweenlich doaropp veloten, daut ekj eenmol daut Joa met miene Elren opp dän Model T met no Sasketun kunn. Wan onse Nobasch uk met kjeemen, schnald mien Voda an fiewunzastich Zent fa de Reis. Voda wia een väasechtja Foara. Wan wie opp dän Wajch kjeen Trubbel hauden, dieed daut ne Stund un ne Haulf, de dartich Miel no Sasketun foaren. Daut wia oba intressaunt waut eena aules to seenen kjrieech oppem Wajch no Sasketun. Eensjemol hupst doa een Hos opp un wutscht auf, aus wan am een Hunt hinjaraun wia. Dan met eemol fluagen doa Raupheena opp un schluagen sikj mete Flichten enne Hecht bat see sachelkjes rauf kjeemen, wua doa kjeene Jefoa wia. Wan ons daut jlekjt, krieech wie soogoa een Gessolienkjätel to seenen, dee enne Städ Pieed oppe Stap schauft. En Sasketun wia aules oba soo schmock rein, un de Lied brukten aula sindachsche Kjleeda, wan et uk nich Sindach wia. Doa wia soo väl to läsen, Jeschaftsnomes, Gaussennomes, Haundelsbekauntmoakungen, un soo wieda. De Stuaren, waut mie daut dolste intressieeden, wieren daut Feftieen Zent Stua, wua aules feftieen Zent ooda bilja wia; daut fiewuntwintich Zent Stua, wua aules fiewuntwintich Zent ooda bilja wia; un daut Dola Stua, wua aules een Dola ooda weinja kost. Jeweenlich vebrukt ekj aul mien Jelt, waut ekj mie toopjespoat haud von daut latste mol, aus ekj en Sasketun wia. (To be continued) by J. Driedger photo J. Reimer
Kjenn jie noch Plautdietsh? Enjoy relearning this wonderful spoken language from one of our three dictionaries.
Make sure to follow us so that you don't miss out on the Plautdietsch word of the day and other stories and articles on our facebook page. You haven't done that yet? Na oba! Click on Leina and Hein below and it will take you to the Menno Tribune and hit the "follow" button. Daut es emm sonnst! And remember to forward the Menno Tribune facebook link to your friends and frintshoft!
